BALDOSA 63: A VODA

Este sábado fun de voda, e como é habitual en mín, non levei gravata. A razón é que, por máis que mo expliquen, nunca recordo como se fai o nó, e sempre poño de desculpa que, unha vez vin unha reportaxe na tele onde uns científicos xaponeses demostraron que por culpa da gravata, o aire acondicionado funcionaba por máis tempo consumindo máis enerxía, polo que para aforrar e contaminar menos, os traballadores da oficina non podían usala, e como bo que son, para contaminar menos e aforrar enerxía, eu tampoco a poñía.  Son un fracasado da gravata. Cada vez que o intento, sae unha cousa rara, que máis que nó parece unha croqueta. Pero creo que isto vai cambiar. Por fín atopei unha forma rápida e cómoda de facelo nó en tan só 10 segundos. Aquí deixo a receta. Intentadeo e xa veredes que fácil é.